Македонија во светот

Македонија во светот

На 12 јануари по повод девет годишнината од хеликоптерската несреќа во која трагично загинаа 11 припадници на воздухопловната бригада на АРМ, во Кампот Бутмир-Сараево беше одадена почит за загинатите.

По повод одбележувањето на 15 годишнината од воспоставувањето на дипломатските односи помеѓу Република Македонија и Обединетите Мексикански Држави, амбасадорите на двете држави во Република Србија, Н.Е. г-ѓа Вера Јовановска – Типко и Н.Е. г-дин Марко Антонио Гарција Бланко, денес во Белград потпишаа Меморандум за разбирање помеѓу Министерството за надворешни работи на Република Македонија и Министерството за надворешни работи на ОМД за воспоставување на политичките консултации за прашања од заеднички интерес. 

На 7-ми декември 2016 година во просториите на Претставничкиот дом се одржа основачки состанок на Парламентарната група за јапонско-македонска соработка при јапонскиот Парламент (Диет), на кој присуствуваа претставници од јапонското МНР, а во чии рамки амбасадорот на Република Македонија во Токио, д-р Андријана Цветковиќ одржа презентација за Република Македонија на јапонски јазик.

 

Амбасадата на Република Македонија во Сараево учествуваше на 10-от јубилеен дипломатски хуманитарен базар организиран од здружението на сопружници на шефовите на мисии, што се одржа во салата „Мирза Делибашиќ“ во спортскиот комплекс „Скендерија“ на 3 декември 2016 година.

 

По повод 1 декември - Денот на Првиот Претседател на Казакстан и Светскиот ден во борба против сидата, Амбасадата на Република Македонија во Астана во соработка со КАЗГУУ Универзитетот, Управата за поддршка на дипломатскиот кор и Центарот за трансфузиологија организираше крводарителска акција.

На 26 и 27 ноември се оддржа 16-от Самит на Франкофонијата во Антананариво, главниот град на Мадагаскар на тема: “Споделен раст и одговорен развој-услови за стабилност во светот и во франкофонскиот простор”, кадеРепублика Македонија беше претставена од Габриел Атанасов, Личен претставник на Претседателот на државата во Франкофонијата и в.д. во Амбасадата на Република Македонија во Париз.

Генералниот конзулат во Солун ја претстави туристичката понуда на Република Македонија на најголемиот саем за туризам во Грција – ,,Филоксениа“, што се одржа од 18-ти до 20-ти ноември 2016 година.

 

Во просториите на Амбасадата на Република Македонија во Виена вчера беше отворена ликовна изложба на познатиот париски сликар по потекло од Македонија, Омер Калеши, насловена: Омеровите глави на животот. Во присуство на уметникот изложбата ја отвори амбасадорот на Република Македонија во Австрија Василка Попоска Треневска.Во своето обраќање амбасадорката Попоска Треневска укажа дека во речиси шест децениското творење, сликарот Калеши остана верен на своите корени, а во неговото богато творештво централен мотив отсекогаш беше човекот, потенцирајќи дека предоминантен сликарски мотив на Омер Калеши се човечки глави како симбол на човековиот дух.

На 1 ноември 2016 година во Амстердам се одржа промоција на македонски винарии, меѓу кои се претставија винариите „Далвина“, „Камник“, „Еземит“, „Попова Кула“, ИМАКО, „Стоби“, „Тиквеш“ и винаријата „Попов“. На настанот се обрати Амбасадорот на Република Македонија во Кралството Холандија Игор Попов, кој во обраќањето се осврна на богатата и вековна традиција на производство на квалитетно вино на територијата на Република Македонија,  напредокот на македонските производители на вино кои во последната декада, со поддршка на Владата на Република Македонија, станаа еднаков партнер со најреномираните производители на вино во светот, освојувајќи бројни светски признанија и награди.

Амбасадорот на Република Македонија во Јапонија Андријана Цветковиќ учествуваше како член на жирито на 56-тиот Miss International 2016, што се одржа на 27.10.2016 година во Токио, во организација на јапоснката бизнис федерација New Business Conference и Меѓународната културна асоцијација, со главна цел да промовира меѓународен мир, разбирање и културна соработка, со жените во центарот на оваа идеја, на кој Цветковиќ и ја предаде наградата на Првата Придружничка - Мис Австралија, додека победник на 55-тиот избор на Miss International беше претставничката на Филипини.

Конзуларни услуги