Соопштенија

Соопштенија до јавноста

Вицепремиерот и министер за надворешни работи на Република Македонија Никола Попоски денес оствари работна посета на Принципатот Лихтенштајн. За време на посетата се сретна со министерот за надворешни работи, образование и култура, Аурелија Фрик, како и со принцот Алојс.

 

На покана од Државниот секретар на Соединетите Американски Држави, Рекс Тилерсон, Заменик претседателот на Владата на Република Македонија и министер за надворешни работи Никола Попоски, на 22. март. 2017., учествуваше на Состанокот на министри за надворешни работи на земјите-членки на Глобалната Коалиција за борба против ИСИС, што се одржа во зградата на Стејт департментот на САД, во Вашингтон.

Заменик министерот за надворешни работи на Република Македонија, г-дин Илија Исајловски, денес во проштална средба го прими амбасадорот на Република Индија во Република Македонија со седиште во Софија, H.E. г-дин Раџеш Кумар Сашдева.

 

Денеска, во Министерството за надворешни работи на Република Македонија се одржаа политички консултации за билатерални прашања помеѓу делегации од Министерството за надворешни работи на Република Македонија и Сојузно министерство за Европа, интеграција и надворешни работи на Република Австрија. Македонската делегација беше предводена од Директорот за билатерални односи со европски држави Корнелија Утевска – Глигоровска, а австриската делегација од генералниот директор за Европа Александер Шаленберг.

Денес во Скопје се одржа Третиот состанок на Групата на национални лица за контакт на Регионалниот Совет за соработка во борбата против радикализацијата и екстремизмот кои водат кон тероризам и странски борци од Југоисточна Европа. Состанокот го отворија заменик министерот за надворешни работи на Република Македонија, Илија Исајловски и генералниот секретар на Советот за регионална соработка, Горан Свилановиќ. 

Заменик претседателот на Владата на Република Македонија и министер за надворешни работи Никола Попоски, денес, во просториите на Министерството за надворешни работи се обрати пред група студенти од Факултетот за безбедност во Скопје, Академијата за криминалистика и полициски студии од Белград и Факултетот за политички науки од Загреб.

 

Заменик министерот за надворешни работи на Република Македонија, Илија Исајловски, директорот на Дипломатска академија при МНР, Аделина Марку и дипломатите франкофони во МНР по повод Месецот на Франкофонијата организираа настан заедно со амбасадорот на Француската Република во Република Македонија, Кристијан Тимоние и директорката на Францускиот Институт во Скопје, Изабел Марши - Барбо.

Заменик претседателот на Владата на Република Македонија и министер за надворешни работи Никола Попоски во Виена оствари средба со австрискиот министер за надворешни работи и актуелен претседавач со ОБСЕ, Себастијан Курц. Министрите разговараа за регионалната стабилност и потребата од интегрирање во ЕУ како најдобра гаранција за развој на Балканот.

Заменик претседателот на Владата во Република Македонија и министер за надворешни работи Никола Попоски учествуваше на седница на Постојаниот совет на Организацијата за безбедност и соработка на Европа што се одржа денес во Виена. Министерот Попоски одговараше и на прашања од земјите членки на ОБСЕ поврзани со изгледите за надминување на политичката криза, надворешното влијание, ризиците за нестабилност во Регионот и изгледите за интеграција во ЕУ.

Заменик претседателот на Владата на Република Македонија и министер за надворешни работи Никола Попоски денеска оствари средба со претставници на парламентарната Комисија за избори, имунитет и деловничко уредување на германскиот Бундестаг, која престојува во дводневна работна посета на Република Македонија.

 

Конзуларни услуги