Соопштенија

Заменик министерот за надворешни работи, Жерновски имаше свое обраќање на панелот на тема: „Енергијата како предуслов за економски равој и соработка во Медитеранот”. Истакна дека Владата на Република Македонија работи посветено на развојот на енергетскиот сектор, а за тоа говорат бројните реформски процеси кои се одвиваат на овој план. Донесениот Закон за енергетика кој е усогласен со европските директиви, покрај низата предности кои ги нуди овозможува стимулирање на употребата на обновливите извори на енергија како и низа можности за македонските енергетски компании, што ќе ги направат конкурентни на светскиот пазар и во новата енергетска транзиција.

IMG 20181027 101443 060

Во разговор со министрите за надворешнии работи на Словачка и Шпанија, Лајчек и Фонтелес, како и со Генералниот секретар на ОБСЕ, Гремингер, беше истакнато дека процесите за интеграција на Република Македонија во ЕУ и НАТО бележат динамичен и видлив напредок, а резултираа со започнувањето на скрининг процесот со ЕУ минатиот месец, како и стартот на пристапните преговори со НАТО минатата седмица.

IMG 20181027 101122 301

На маргините на Конференцијата, Жерновски оствари билатерални средби со: ЗМНР на Шпанија, Грција, и Романија, Марзо, Квик и Камба како и со државните секретари за надворешни работи на Италија и Црна Гора, Пики и Јанковиќ.

На средбите, соговорниците беа запознаени со актуелната состојба во Република Македонија.

IMG 20181027 101141 856

Од страна на сите соговорници, без исклучок, беа упатени честитки за успешното гласање во Собранието на Република Македонија, при што беше оценето дека сегашните позитивни поместувања во Република Македонија претставуваат силен исчекор за евроатлантската интеграција на земјата.

„Една од одговорностите на политичарот е да се издигне над партиските интереси и да работи за интересите на граѓаните”, нагласи Жерновски на средбите, надополнувајќи дека можноста да придонесуваш во овој проект со кој се обезбедува спокојна и просперитетна иднина за сегашните и идни поколенија е безусловна мотивација.

Соговорниците упатија уверување дека ќе останат силни партнери на Република Македонија и ќе се залагаат за финализирање на нејзиниот евроатлантски процес.

Конзуларни услуги