Соопштенија

Заменик министерот за надворешни работи, Андреј Жерновски, денеска оствари средба со делегација на ОБСЕ/ОДИХР, предводена од шефот на Мисијата за набљудување на изборите во земјава, Корин Јонкер.

 

170919OA ZMNR Zhernovski Sredba so delegacija na ODIHR 2179

Шефот на Мисијата за набљудување на изборите во земјава, Корин Јонкер, истакна дека последните претседателски избори беа одлично административно организирани и  спроведени во демократска и фер атмосфера.

Во таа смисла, Јонкер се осврна на променетата клима која доаѓа од цврстата заложба на Владата, како и од сите институции вклучени во изборниот процес, за креирање на атмосфера за фер и транспарентни избори.

На средбата, ЗМНР Жерновски истакна дека нивните препораки претставуваат вистински ориентир за дополнително унапредување на изборната рамка. Во тој контекст, беше нагласено дека Владата е цврсто решена да продолжи активно да соработува со ОДИХР и да ги имплементира препораките во однос на изборните процеси.

170919OA ZMNR Zhernovski Sredba so delegacija na ODIHR 2174

На крај, заеднички беше констатирано дека реформските процеси го трансформираат и консолидираат македонското општество врз основа на владеењето на правото, човековите права и демократските принципи.

Ваквиот Извештај во голема мера придонесува за позитивниот имиџ на нашата земја во пресрет на Европскиот совет во октомври, кога очекуваме валоризација на постигнатото.

Конзуларни услуги