Соопштенија
Средбата на министерот за надворешни работи на Република Македонија Никола Попоски со амбасадорот на Република Финска во Република Македонија Тимо Рајакангас
 
 
 
 
IMG 2605-600
Министерот за надворешни работи на Република Македонија Никола Попоски, денеска го прими вонредниот и ополномоштен амбасадор на Република Финска во Република Македонија со седиште во Загреб, Тимо Рајакангас.
 
На средбата заемно беше оценето дека добрите политички односи меѓу Република Македонија и Република Финска претставуваат основа за подинамичен развој на меѓусебната соработка, особено во економска сфера.
 
Министерот Попоски нагласи дека Република Македонија особено ја цени и е благодарна за поддршката и помошта од Република Финска за што поскоро отпочнување на пристапните преговори со Европската Унија, информирајќи истовремено за напорите и конкретните достигања на нашата земја на тој план. Притоа, министерот Попоски изразувајќи задоволство од досегашната соработка во реализацијата на twinning проекти го нагласи интересот за продолжување на ваквата соработка за подигнување на капацитетите на македонската администрација во процесот на европската интеграција.
IMG 2616-600
Амбасадорот Рајакангас ја повтори принципиелната определба на Република Финска за поддршка на процесот на проширување на Европската Унија и во тој контекст силната поддршка на што поскорото отпочнување на пристапните преговори за членство на Република Македонија во Унијата, што би довело до интензивирање на реформските процеси во земјата и би било во корист на Регионот.
 
На средбата стана збор и за актуелните состојби во нашиот Регион и пошироко во светот.

Конзуларни услуги