Северна Македонија во светот

Северна Македонија во светот

Заменик министерот за надворешни работи на Република Македонија, Драгана Кипријановска, во периодот од 28 до 30 октомври во Њујорк учествуваше на Мировниот форум во знакот на одбележување на 15 годишнината од усвојувањето на Резолуцијата 1325 на Советот за безбедност на ОН посветена на жените, мирот и безбедноста.

На 27 октомври, во седиштето на Меѓународната организација на лозјето и виното (OIV) во Париз а во рамки на промотивните активности за македонската економија, Амбасадата на РМ во Париз заедно со АСИПИРМ и кластерот на производители на вино од Македонија (Wines of Macedonia) организираше промоција и дегустација на македонски вина. 

На 28 – 29 октомври 2015 година во просториите на Минстерството за надворешни работи на Република Македонија се одржа регионален семинар на тема „Улогата на Министерствата за надворешни работи во Поглавјето 24 – Миграции и визна политика“.

 

Под мотото „Заедно низ Европа”, во организација на Амбасадата на Република Mакедонија во Букурешт, се одржа манифестација за одбележување на 20 години од воспоставувањето на дипломатските односи помеѓу Република Македонија и Романија. На манифестацијата беа потпишани меморандуми за соработка (збратимување) помеѓу дванаесет општини од РМ со дванаесет општини од Романија, при што вкупната бројка на збратимени општини (или отворени формални постапки за збратимување) достигна дваесет и осум општини од Македонија и од Романија.

Македонската амбасада во Стокхолм, на 22 октомври 2015 година организираше Македонско културно утро со членовите на International Women’s Club. Настанот имаше за цел запознавање на членовите на IWC со македонската историја, културно наследство и туристички потенцијали, претставени преку интерактивна ПП презентација од амбасадорката Александра Наќева Ружин, проследена со проекција на видеа за Македонија. 

По повод 20 години од воспоставување дипломатски односи помеѓу Република Македонија и Грција, денес, Генералниот конзул на Република Македонија во Солун, Маја Апостолова Балабурски одржа предавање на студентите од катедрата за балкански и славистички студии при солунскиот универзитет „Македониjа“. 

 

Во организација на Амбасадата на Република Македонија во Лондон, на 9 септември 2015 година се одржа прием по повод Денот на независноста на Република Македонија, на која присуствуваа значајни имиња од политичкиот и јавниот живот, членови на дипломатскиот кор акредитиран во Лондон, Почесниот Конзул на Република Македонија во Исланд, Сашо Андонов, како и претставници на македонската дијаспора.

Амбасадата на Република Македонија во Стокхолм, во соработка со Агенцијата за филм на Македонија, го поддржа 2-то издание на Проектот SNOWE – „Жени во филм, креативно вмрежување“ којшто се оддржа од 8-14 октомври 2015 година во Стокхолм.

 

Амбасадата во соработка со „Вина на Македонија„ на 14 октомври 2015 година ја организираше првата професионална дегустација на македонски вина во Стокхолм. На 5-часовната дегустација, со 49 врвни бели и црвени вина се претставија седум винарии од Македонија: Бовин, Тиквеш, Стоби, Камник, Попова кула, Далвина и Езимит, во присуство на над 120 респективни гости од винската индустрија во Шведска, академијата за сомелиери во Стокхолм, вински новинари и блогери, сомелиери, познати ресторани и хотели, импортери на вино, како и најголемите вински друштва – Мунсканкарна и Винското друштво од Стокхолм. На настанот присуствуваа и останати видни гости од културните и општествени кругови на Стокхолм, како и пратеници од шведскиот Риксдаг. 

На 10 и 11 октомври 2015 година во Ереван, Ерменија, се оддржа 31-та Министерска конференција на Меѓународната организација на франкофонијата, со која претседаваше Сенегалскиот министер за надворешни работи, Манкeр Ндијае.

 

Конзуларни услуги