Северна Македонија во светот

Северна Македонија во светот

Амбасадата на Република Македонија во Сараево учествуваше на 10-от јубилеен дипломатски хуманитарен базар организиран од здружението на сопружници на шефовите на мисии, што се одржа во салата „Мирза Делибашиќ“ во спортскиот комплекс „Скендерија“ на 3 декември 2016 година.

 

По повод 1 декември - Денот на Првиот Претседател на Казакстан и Светскиот ден во борба против сидата, Амбасадата на Република Македонија во Астана во соработка со КАЗГУУ Универзитетот, Управата за поддршка на дипломатскиот кор и Центарот за трансфузиологија организираше крводарителска акција.

На 26 и 27 ноември се оддржа 16-от Самит на Франкофонијата во Антананариво, главниот град на Мадагаскар на тема: “Споделен раст и одговорен развој-услови за стабилност во светот и во франкофонскиот простор”, кадеРепублика Македонија беше претставена од Габриел Атанасов, Личен претставник на Претседателот на државата во Франкофонијата и в.д. во Амбасадата на Република Македонија во Париз.

Генералниот конзулат во Солун ја претстави туристичката понуда на Република Македонија на најголемиот саем за туризам во Грција – ,,Филоксениа“, што се одржа од 18-ти до 20-ти ноември 2016 година.

 

Во просториите на Амбасадата на Република Македонија во Виена вчера беше отворена ликовна изложба на познатиот париски сликар по потекло од Македонија, Омер Калеши, насловена: Омеровите глави на животот. Во присуство на уметникот изложбата ја отвори амбасадорот на Република Македонија во Австрија Василка Попоска Треневска.Во своето обраќање амбасадорката Попоска Треневска укажа дека во речиси шест децениското творење, сликарот Калеши остана верен на своите корени, а во неговото богато творештво централен мотив отсекогаш беше човекот, потенцирајќи дека предоминантен сликарски мотив на Омер Калеши се човечки глави како симбол на човековиот дух.

На 1 ноември 2016 година во Амстердам се одржа промоција на македонски винарии, меѓу кои се претставија винариите „Далвина“, „Камник“, „Еземит“, „Попова Кула“, ИМАКО, „Стоби“, „Тиквеш“ и винаријата „Попов“. На настанот се обрати Амбасадорот на Република Македонија во Кралството Холандија Игор Попов, кој во обраќањето се осврна на богатата и вековна традиција на производство на квалитетно вино на територијата на Република Македонија,  напредокот на македонските производители на вино кои во последната декада, со поддршка на Владата на Република Македонија, станаа еднаков партнер со најреномираните производители на вино во светот, освојувајќи бројни светски признанија и награди.

Амбасадорот на Република Македонија во Јапонија Андријана Цветковиќ учествуваше како член на жирито на 56-тиот Miss International 2016, што се одржа на 27.10.2016 година во Токио, во организација на јапоснката бизнис федерација New Business Conference и Меѓународната културна асоцијација, со главна цел да промовира меѓународен мир, разбирање и културна соработка, со жените во центарот на оваа идеја, на кој Цветковиќ и ја предаде наградата на Првата Придружничка - Мис Австралија, додека победник на 55-тиот избор на Miss International беше претставничката на Филипини.

Македонски компании успешно се претставија на годинешното издание на најголемиот светски саем за прехрана и прехранбени производи СИАЛ кој се одржа од 16-20 октомври во Париз.


Република Македонија се претстави на Меѓународниот саем за туристички патувања кој се одржа во Варшава во периодот од 14 до 16 октомври 2016 година). Амбасадата на Република Македонија во Варшава во соработка со Агенцијата за промоција и поддршка на туризмот имаше успешно претставување со свој штанд во павиљонот определен за Балканските држави каде беше промовирана Македонија како туристичка дестинација, а посетителите имаа прилика да пробаат и традиционална македонска храна.

На 13-ти октомври 2016 година амбасадорот Андријана Цветковиќ оствари средба со новоназначениот парламентарен заменик Министер за надорешни работи на Јапонија Мотоме Такисава, кој е надлежен за Република Македонија. На средбата беше изразена заемна согласност за континуираниот позитивен развоен тренд на билатералните односи меѓу двете земји, што бележи значаен прогрес по отворањето на Амбасада на Република Македонија во Токио во 2013 година, како и претстојното отворање на јапонска Амбасада во Скопје во јануари 2017 година.

Конзуларни услуги