Северна Македонија во светот

Северна Македонија во светот

На 16 септември 2016 година Амбасадата на Република Македонија во Варшава по повод одбележувањето на 25 години од Денот на Независноста на Република Македонија – 8ми септември, организираше прием за дипломатскиот кор акредитиран во Варшава, претставници на полските државни институции, општините, бизнис заедницата, како и за претставници на македонската заедница која живее и работи во Полска.

На 12 септември 2016 година во просториите на Амбасадата на Република Македонија во Стокхолм се одржа прием по повод 25 годишнината од осамостојувањето на Р. Македонија, на кој се обрати Амбасадорот на Република Македонија во Шведска, Александра Наќева Ружин.

Денот на независноста на Република Македонија се одбележа и во Астана, Казахстан. Во рамките на прославата на 25 годишнината на независноста на Република Македонија во Астана реализиран е проект во чии рамки се одржаа концерти на групата „Синтезис“, свечен прием, предавање на директорот на Директоратот за билатерални односи со воневропски држави при министерството за надворешни работи на Република Македонија Ненад Колев на Универзитетот KAZGUU, отворање на македонско катче во Националната академска библиотека на Република Казахстан,  како и дегустации на македонски вина. 

На 12 септември 2016 година Амбасадата на Република Македонија во Загреб организираше прием по повод Денот на независноста на Република Македонија - 8-ми септември. На настанот се обрати амбасадорката Даниела Караѓозоска, која се осврна на односите меѓу Македонија и Хрватска, како и актуелните внатрешни состојби на Република Македонија во изминатите 25 години.

 

На 8 септември 2016 година во хотелот „Кемпински“, Амбасадата на Република Македонија во Берлин организираше прием по повод државниот празник 8-ми септември.
На свечениот прием присуствуваа над 200 гости, пратеници од Сојузното собрание на Сојузна Република Германија, претставници од кабинетите на Претседателот и Канцеларот на СР Германија, Амбасадори и колеги од дипломатскиот кор, стопанственици, претставници на македонската заедница, македонската православна и исламска заедница.

Во организација на Амбасадата на Република Македонија во Брисел, во соработка со Мисијата на Република Македонија при ЕУ и Мисијата на Република Македонија при НАТО, на 8 септември 2016 година се одржа прием по повод 25-годишнината од независноста на Република Македонија.

 

На 8 септември 2016 година, македонската амбасада во Париз ја прослави 25 годишнината од независноста на Република Македонија. Во оваа пригода, Вршителот на работите и Личен претставник на Претседателот на РМ за Франкофонија, Габриел Атанасов, во излагање пред гостите од француските институции, дипломатскиот кор, претставници на УНЕСКО и Меѓународната организација на Франкофонијата, како и претставници од дијаспората, го истакна значењето на 8 септември-денот кога во 1991 година, македонскиот народ го избра патот на независноста.

На 7 септември 2016 година по повод одбележување на 25 годишнината од прогласувањето на македонската независност, Амбасадата на Република Македонија во Сараево организраше свечен прием за претставниците на институциите и организациите во Босна и Херцеговина, дипломатскиот кор во Сараево и членовите на македонската заедница во Босна и Херцеговина.

На 7 септември 2016 година во Софија се одржа свечена прослава по повод Денот на независноста на Република Македонија - 8-ми септември. 

На настанот се обрати амбасадорот Марјан Ѓорчев кој се осврна на досегашните постигнувања на нашата држава, посебно во европските и евроатлантски интегративни процеси, нејзините предности како мултикултурно општество, со посебен акцент врз билатералната соработка со Бугарија и позитивните основи за нејзино унапредување во иднина.

ДЕЛЕГАЦИЈА НА РЕПУБЛИКА МАКЕДОНИЈА ВО ОБСЕ
Излагање на амбасадорот Кире Илиоски  - Постојан претставник на Република Македонија при ОБСЕ, ОН и други меѓународни организации во Виена
ПС 1108 - Јули 14, 2016

 

Конзуларни услуги