Соопштенија

Соопштенија до јавноста

Министерот за надворешни работи, Никола Димитров, денес го прими новоименуваниот амбасадор на Република Косово во Република Македонија, Ѓерѓ Дедај, кој ги предаде копиите од акредитивните писма за неговото именување како вонреден и ополномоштен Амбасадор на Република Косово во Република Македонија.

 

На 12 ноември 2018 год. во шпанското Министерство за надворешни работи се одржаа политички консултации меѓу Република Македонија и Кралството Шпанија на ниво на политички директори. Делегацијата од македонското министерство ја предводеше директорот за билатерални односи со европските држави, Горан Цеков, а од шпанското министерство генералниот директор, г-ѓа Аурора Мехиа Ераскин.

На 8 ноември 2018 година, новоименуваната вонредна и ополномоштена амбасадорка на Република Македонија во Обединетото Кралство на Велика Британија и Северна Ирска, Александра Миовска, на Кралицата Елизабета Втора ѝ ги предаде акредитивните писма за нејзиното именување и отповикувачките писма за нејзиниот претходник.

 

Заменик министерот за надворешни работи, Андреј Жерновски, денес оствари средба со Државниот секретар на Министерството за надворешни работи на Полска, Симон Шинковски.

 

На вториот ден од работната посета на Берлин, министерот за надворешни работи на Република Македонија, Никола  Димитров, оствари средба со својот хомолог, министерот за надворешни работи на Сојузна Република Германија, Хајко Мас.

 

Министерот за надворешни работи на Република Македонија, Никола Димитров, на 7 и 8 ноември 2018 година, престојува во работна посета на Сојузна Република Германија, на покана на претседателот на Комисијата за ЕУ прашања во германскиот Бундестаг, Гунтер Крихбаум.

 

На 6 ноември 2018 година, во работна посета на Министерството за надворешни работи на Република Македонија престојуваа делегации на земјите од Вишеградската група, предводена од политичките директори во министерствата за надворешни работи на Словачката Република, Република Чешка, Република Полска и Унгарија.

 

Министерот за надворешни работи, Никола Димитров, денеска го прими новоименуваниот амбасадор на Хашемитското  Кралство Јордан во Република Македонија, Исмаил Иса Исмаил Рифаие, кој ги предаде копиите од акредитивните писма за неговото именување како вонреден и ополномоштен Амбасадор на Хашемитското Кралство Јордан во Република Македонија, со седиште во Анкара.

Денес беше одржан првиот состанок на Заедничкиот интердисциплинарен комитет на експерти (ЗИКЕ) за историски, археолошки и образовни прашања.

 

Денеска, во Министерството за надворешни работи беше одбележан Денот на Обединетите Нации (24 октомври) со свечена церемонија и пригодни обраќања на: Претседателот на Владата на Република Македонија, Зоран Заев, министерот за надворешни работи, Никола Димитров и резидентниот координатор на ОН и постојан претставник на УНДП во Република Македонија,  Луиза Винтон.

Конзуларни услуги