Соопштенија

Соопштенија до јавноста

Денес во Атина, се одржа вториот пленарен состанок на Меѓународната група на експерти, под раководство на шефот на делегацијата на Република Северна Македонија, проф. Ѓорѓи Филипов и на шефот на делегацијата на Хеленската Република, проф. Фотини Пазарѕис, основана согласно член 1, став 3ж од Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената Спогодба од 1995 година и за воспоставување на стратешко партнерство меѓу страните, направена во Преспа на 17 јуни 2018 година.Денес во Атина, се одржа вториот пленарен состанок на Меѓународната група на експерти, под раководство на шефот на делегацијата на Република Северна Македонија, проф. Ѓорѓи Филипов и на шефот на делегацијата на Хеленската Република, проф. Фотини Пазарѕис, основана согласно член 1, став 3ж од Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената Спогодба од 1995 година и за воспоставување на стратешко партнерство меѓу страните, направена во Преспа на 17 јуни 2018 година.

Денес во Министерството за надворешни работи на Република Северна Македонија се одржа четвртиот годишен состанок на Заедничкиот управен одбор на националните институции и Обединетите нации за Рамката за развојна соработка со ОН посветена  на Партнерството за одржлив развој. Овој документ го опфаќа колективниот придонес на системот на ОН за реализирање на националните развојни приоритети.

Заменикот министер за надворешни работи, Андреј Жерновски, денеска во Стразбур имаше обраќање на 17-тиот мешовит парламентарен комитет, Република Северна Македонија – ЕУ. Ова парламентарно тело секогаш било силен подржувач на евроинтегративните процеси на Република Северна Македонија и придонесувало во развојот на соработката меѓу Собранието и Европскиот парламент.

 

Министерот за надворешни работи Никола Димитров оствари проштална средба со амбасадорката на Република Турција во Република Северна Македонија, Н.Е. г-ѓа Тулин Еркал Кара.

 

На 13 декември 2019 година, во Тирана се одржа состанок на Партнерската комисија на САД-Јадранската Повелба, на ниво на министри за надворешни работи на земјите членки и набљудувачи на Повелбата. Со состанокот претседаваше в.д. министер за Европа и надворешни работи на Р. Албанија, Гент Цакај.

 

Денес министерот за надворешни работи Никола Димитров се сретна со министерот за сојузни, европски и меѓународни работи на Северна Рајна – Вестфалија др. Стефан Холтхоф Пфортнер, кој беше во посета на Република Северна Македонија. На средбата се разменија мислења за европските интеграции на Северна Македонија, осврнувајќи се на разочараноста од исходот на октомврискиот Европски самит и решеноста за конструктивно дејствување со фокус на иднината.

Денес во Министерството за надворешни работи се одржа јавна расправа по нацрт текстот на новиот Предлог-закон за надворешни работи, во насока на поголема транспарентност и вклученост на засегнатите субјекти од областа на надворешната политика, во процесот на донесување на законите. Министерот за надворешни работи Никола Димитров го претстави Предлог-законот, вклучително и предвидените главни новини, кои ја адресираат специфичноста на дипломатската служба и целат кон обезбедување нејзина поголема професионализација и модернизација во вршењето на надворешните работи.

Во организација на Министерството за надворешни работи на Република Северна Македонија и Дипломатскиот клуб – Скопје, денес во Министерството за надворешни работи се одржа Конференција „50 години македонска дипломатија”.

 

На вториот ден од работната посета на Брисел, министерот за надворешни работи Никола Димитров оствари повеќе средби во Европскиот Парламент и тоа со: Дачијан Чолос, претседател на групата Обнова на Европа, со Андреас Шидер, копретседавач со Мешовитиот парламентарен комитет ЕУ-МК, Илхан Кјучук, известител за Северна Македонија во Европскиот Парламент, како и со групата европратеници Пријатели на Северна Македонија во ЕП.

Одбележувањето на 10 декември, денот на човековите права, годинава е во знакот на прославата на 30 годишниот јубилеј од донесувањето на еден од најстарите и најзначајните акти за промоција, заштита и унапредување на правата на најранливата категорија на лица - Конвенцијата за правата на детето.

 

Конзуларни услуги