Соопштенија

Соопштенија до јавноста

Првиот потпретседател на Владата на Република Србија и Министер за надворешни работи, Ивица Дачиќ на покана на министерот за надворешни работи на Р. Македонија, Никола Попоски на 15 септември оствари еднодневна официјална посета на Република Македонија.

 

На 01 септември 2014 година амбасадорот Игор Есмеров ги предаде акредитивните писма на претседателот на Република Унгарија Јанош Адер, за негово назначување за вонреден и ополномоштен амбасадор на Република Македонија во Унгарија.

 

На 15 септември 2014 година министерот за надворешни работи Никола Попоски се сретна со членовите на одделот одговорен за Македонија во рамки на Генералниот директорат за проширување во Европската комисија, придружени од амбасадорот на Европската унија во Република Македонија.

По повод одбележувањето на 20 годишнината од воспоставувањето на дипломатските односи меѓу Република Македонија и Кралството Белгија, денес во просториите на Министерството за надворешни работи, и во соработката со Амбасадата на Кралството Белгија во Софија, се организираше културен настан – изложба на анимирани цртежи од еден од најпознатите белгиски карикатуристи, Марк Слин.

Министерот за надворешни работи на Република Македонија Никола Попоски денеска на проштална средба го прими амбасадорот на Република Турција во Република Македонија Ѓурол Сокменсуер. Министерот Попоски се осврна на традиционално пријателските односи меѓу Република Македонија и Република Турција, изразувајќи задоволство од личниот придонес на Амбасадорот во градењето на позитивна атмосфера во соработка во текот на неговиот мандат во Република Македонија.

Министерот за надворешни работи на Република Македонија Никола Попоски денеска прими делегација на политички директори од министерствата за надворешни работи на земјите од Бенелукс (Белгија, Холандија и Луксембург), која престојува во работна посета на нашата земја за запознавање со состојбите и активностите во клучните приоритетни сегменти поврзани со евро – интеграцијата.

По повод претседавањето на Република Македонија со Здравствената мрежа на Југоисточна Европа, денес во Министерството за надворешни работи се оддржа заедничка средба на министрите за надворешни работи и здравство, Никола Попоски и Никола Тодоров со дипломатските претставници од земјите учеснички во овој процес.

Денес, министерот за надворешни работи на Република Македонија Никола Попоски го прими на проштална средба амбасадорот на Кралството Шпанија во Република Македонија, Фернандо де Галаинена.

 

Министерот за надворешни работи Никола Попоски, во својство на шеф на македонската делегација на НАТО Самитот во Кардиф, се обрати на состанокот на земјите контрибутори во Мисијата ИСАФ во Авганистан.

 

Заменик-министерот за надворешни работи на Република Македонија, Драгана Кипријановска денес во проштална посета го прими Роман Вашчук, амбасадор на Канада за Република Македонија, со седиште во Белград.

 

Конзуларни услуги