Соопштенија

Соопштенија до јавноста

На 25 октомври 2018 г. во Foreign and Commonwealth Office во Лондон се одржаа политички консултации меѓу Република Македонија и Обединетото Кралство на ниво на политички директори во министерствата за надворешни работи. Делегацијата од МНР ја предводеше директорот за билатерални односи со европските држави, Горан Цеков, а британската делегација Роберт Четертон Диксон, директор на програмите за Западен Балкан во FCO, поранешен амбасадор на Обединетото Кралство во Република Македонија.

Министерот за надворешни работи на Република Македонија, Никола Димитров, денес имаше проштална средба со амбасадорот на Република Естонија во Република Македонија, со седиште во Талин, Даниел Ерик Шаер.

 

Министерот за надворешни работи на Република Македонија Никола Димитров, денес оствари проштална средба со амбасадорот на Босна и Херцеговина во Република Македонијa,  г-ѓа  Лепа Бабиќ.

 

На покана на министерот за надворешни работи на Република Македонија, Никола Димитров, денес, потпретседателот на Владата и министер за надворешни работи на Република Словенија Миро Церар, престојува во официјална посета на Република Македонија.

Министерството за надворешни работи на Република Македонија категорично ги отфрла наводите и квалификациите изнесени во коментарот на Департманот за информирање на Министерството за надворешни работи на Руската Федерација од 22 октомври 2018 година, во врска со изгласување на предлогот за пристапување кон измени на Уставот во Собранието на Република Македонија.

Министерот за надворешни работи Никола Димитров, денес имаше средба со заменик помошникот државен секретар на САД за Европа и Евроазија, Метју Палмер, кој престојува во работна посета на Република Македонија. На средбата беше разговарано за евроатлантските перспективи на земјата, како и за актуелните политички состојби во Република Македонија и во Регионот.

МНР Никола Димитров, денес, беше домаќин на средба, организирана во рамки на посетата на Република Македонија, на делегација од составот COWEB (за Западен Балкан)/COELA (за проширување) од Европската унија, под покровителство на Делегацијата на ЕУ во Скопје и Австриското претседателство со ЕУ. Претставници од министерствата за надворешни работи на земјите-членки на Европската унија, на ниво на Директори за ЕУ и Западен Балкан, се во посета на земјата со цел размена на мислења за тековните достигнувања во контекст на евроинтеграциите. На состанокот, како соговорници, присуствуваа и ЗПВРМ за европски прашања Бујар Османи, ЗПВРМ и МВР Оливер Спасовски и МИОА Дамјан Манчевски.

Предводени од премиерите Алексис Ципрас и Зоран Заев, со министерот за надворешни работи Коѕијас имавме интензивни месеци на комуникација, станавме вистински пријатели и во период од една година успеавме да направиме нешто кое во претходните 27 години се сметаше за невозможно -  ги приближивме нашите две земји и го склучивме историскиот договор од Преспа, градејќи мост на пријателство и докажувајќи дека и нашиот регион може да решава спорови и да создава иднина. Никос, од срце ти посакувам добро здравје и успех во сите идни предизвици. Од наша страна, ние ќе продолжиме со силна посветеност кон заокружување на ова историско решение, заедно со останатите прогресивни и демократски сили во Скопје и Атина.

На 17 октомври 2018, заменик министерот за надворешни работи на Република Македонија, Андреј Жерновски ги прими на средба  Почесните конзули на Република Македонија во СР Германија, Холгер-Михаел Арндт и Ханс-Јирген Беш.

 

Министерот за надворешни работи, Никола Димитров, оствари средба со државниот секретар во Министерството за надворешни работи на Република Финска, Мати Антонен, кој денес е во работна посета на Република Македонија.

 

Конзуларни услуги