Македонија во светот

Македонија во светот

На 12 септември 2018 година новоименуваниот амбасадор на Република Македонија во Полска Васил Пановски на свечена церемонија му ги предаде акредитивните писма на Претседателот на Република Полска Анджеј Дуда.

 

Вчера, новоименуваниот амбасадор на РМ во Норвешка, Серџим Мухамед, во Кралската палата во Осло имаше аудиенција кај Н.В. Кралот Харалд V, на која ги предаде акредитивните писма од Претседателот на РМ, Ѓорге Иванов, за неговото назначување за вонреден и ополномоштен амбасадор на Македонија во Норвешка со седиште во Осло.

 

Новоименуваната амбасадорка на Република Македонија во Обединетото Кралство на Велика Британија и Северна Ирска, Александра Миовска му ги предаде копиите од акредитивните писма на директорот на Протоколот во Foreign Office и вице-маршал на Дипломатскиот кор Нил Холанд.

Денес, вонредниот и ополномоштен амбасадор на Република Македонија во Црна Гора, Михајло Трпкоски, на свечена церемонија која се одржа во Цетиње, ги предаде акредитивните писма на претседателот на Црна Гора, Мило Ѓукановиќ.

 

На 31 август 2018 година, новоименуваниот вонреден и ополномоштен амбасадор на Република Македонија во Француската Република, Јадранка Чаушевска Димов ги предаде акредитивните писма на претседателот Емануел Макрон,  на свечена церемонија во Елисејската палата во Париз.

 

На 20 мај о.г. во Балската сала на Кралскиот Замок во Варшава, се одбележа 25-годишнината од дипломатските односи меѓу Република Македонија и Република Полска со автентичниот музичкиот проект “Македонисимо“ на Симон Трпчески и пријателите (Александар Краповски на виолина, Александар Сомов на виолончело, на кларинет/саксофон/кавал Хидан Мамудов, удиралки Влатко Нушев и кларинетистот Ристо Ѓоревски како дел од полската турнеја). Публиката во преполната сала уживаше во звуците на македонската музика низ музичката обработка на нашиот композитор Панде Шахов. Концертот, кој истовремено е дел и од програмата со која се чествува 100-годишнината од обновувањето независност на Полска, предизвика големо внимание, а музичарите беа наградени со стоечки овации.

На 26 февруари по повод 14 годишнината од авионската несреќа во која загина ППРМ Борис Трајковски и членовите на делегацијата пред спомен – обележјето кај Матича Брда, Ротимље, општина Столац кај Мостар беше одадена почит за загинатите.

 

На 28-ми ноември 2017 година беше потпишан Меморандум за соработка меѓу Универзитетот „Св. Кирил и Методиј” и Sophia University со седиште во Токио, Јапонија.

 

На иницијатива на Амбасадата на Република Македонија во Токио и во соработка со Спомен куќата на Мајка Тереза, во периодот од 28-ми ноември до 8-ми декември 2017 година, поставена е изложбата “Мајка Тереза, Светица од Скопје, Светица на светот” во Sophia University, во Токио. Покрај претставување на животот и делото на Мајка Тереза, изложбата има за цел да ја прикаже силната врска меѓу Мајка Тереза и Јапонија, за што говори и фактот што голем број јапонски уметници дел од својата работа го посветиле токму на нејзиниот живот и мисија. Изложбата се одржува во Sophia University каде Мајка Тереза имала прилика да одржи предавања во три наврати, и тоа во 1981, 1982 и 1984 година.

Во рамките на постојаната соработка меѓу Институтот за гео-стратешки истражувања и надворешна политика (ИГИНП) при МНР на РМ, директорот на ИГИНП, амбасадор Абдулакадар Мемеди имаше средба со шефот на Канцеларијата за одбранбена соработка на EUCOM, во Амбасадата на Соединетите Американски држави во Скопје,  LTC Kristopher S.Mitchell (Cheif of EUCOM’s Office of Defense Cooperation at the U.S. Embassy in Skopje).

Конзуларни услуги