Најнови вести

Денеска, заменик министерот за надворешни работи, Андреј Жерновски, ја прими Патрициа Ди Џовани, новоназначен  претставник на УНИЦЕФ во Република Северна Македонија. Во оваа прилика г-ѓа Ди Џовани на ЗМНР Жерновски му ги предаде копиите од акредитивните писма.

 

Министерот за надворешни работи Никола Димитров денес го прими новоименуваниот амбасадор на НР Кина во Република Северна Македонија, Џанг Ѕуо.

 

 

Министерот за надворешни работи, Никола Димитров, денес имаше воведно обраќање на конференција во организација на Програмската канцеларија на Советот на Европа во Скопје, а под закрила на заедничките активности на Европската Унија и Советот на Европа за земјите од Западен Балкан, во рамките на регионалниот настан посветен на имплементација на втората фаза на Хоризонталната програма за Западен Балкан и Турција.

Министерот за надворешни работи Никола Димитров, денес во МНР се обрати пред младите дипломати од земјите од Регионот, учесници на Регионалната школа за дипломатија. Говорејќи на тематскиот панел: „Дипломатските искуства и научените лекции од преговорите за Договорот од Преспа и меѓународните перспективи“, министерот Димитров се осврна на предизвиците во процесот на преговори и придобивките од постигнатиот договор со Грција. Посочи дека на финалниот договор му претходеле многу предизвици, за чие надминување било потребно трпение, мудрост, храброст и визионерство од двете страни.

Денес во официјална посета на Република Северна Македонија, престојуваше сојузниот министер за Европа, интеграција и надворешни работи на Република Австрија, Александер Шаленберг.

 

Заменик министерот за надворешни работи, Андреј Жерновски, денес оствари средба со  вонредниот и ополномоштен амбасадор на Кралството Шведска во Република Северна Македонија, г-ѓа Кристин Форшгрен Бенгтсон.

Заменик министерот за надворешни работи, Андреј Жерновски, во Министерството за надворешни работи, со поздравен говор ја отвори „Регионалната школа за безбедност 2019“, на тема „Хибридните закани и нивниот импакт на демократијата - предизвици за регионална соработка“. Школата е во организација на Факултетот за безбедност - Скопје со поддршка на Фондацијата Конрад Аденауер и Вилфред Мартенс Центарот за европски студии од Брисел, а во соработка со Центарот за истражување и креирање на политики.

Во рамки на Проектот за поддршка на Канцеларијата на ОН на програмата за работа на Меѓуресорското тело за човековите права, како и Експертска работна група на Телото за периодот 2018-2019 година, во Велес од 2 до 4 октомври 2019 се одржа работилница на тема Ажурирање на Планот за спроведување на препораките на телата на ОН за човековите права“.

МНР Димитров денес оствари билатерална средба со Високиот комесар за национални малцинства на ОБСЕ Заниер, кој денеска присуствуваше на меѓународна конференција на тема: „Едно општество за сите и интеркултурализам како еден од главните говорници, а воедно оствари и повеќе билатерални средби со државнот врв како и со неколку градоначалници во Скопје. Средбите беа во контекст на размена на мислења околу овозможување успешна имплементација на Стратегијата за едно општество и интеркултурализам, по нејзиниото освојување, како тема која е во центарот на мандатот на Амбасадорот Заниер.

Денес, министерот за надворешни работи Никола Димитров оствари средба со министерот за надворешни работи на Република  Финска г. Пека Хависто, за време на неговата официјална посета на Република Северна Македонија на 1 и 2 октомври 2019 година.

 

Конзуларни услуги