Соопштенија

Соопштенија до јавноста

Министерот за надворешни работи, Никола Димитров и делегација на Владата на Република Северна Македонија, вчера на Меѓународниот аеродром Скопје, го пречекаа генералниот секретар на НАТО, Јенс Столтенберг и амбасадорите на земјите членки на Алијансата, членови на Северноатлантскиот совет кој денес во нашата земја ќе го одржи својот редовен состанок со теми од програмата за работа на советот.

Заменик претседателот на Владата задолжен за европски прашања, Бујар Османи, заедно со министерот за надворешни работи, Никола Димитров во рамките на работната посета на Кралството Белгија, денеска, остварија средба со  Дидие Рејндерс, заменик претседателот на Владата и Министер за надворешни и европски прашања.

 

Министерствата за надворешни работи на Република Северна Македонија и Хеленската Република, денеска разменија ноти, со кои, согласно членот 10 од Конечната спогодба за решавање на разликите опишани во Резолуциите 817 (1993) и 845 (1993) на Советот за безбедност на Обединетите Нации, за престанување на важноста на Привремената спогодба од 1995 г. и за воспоставување на стратешко партнерство меѓу страните, се подига нивото на Канцеларијата за врски во Атина на ниво на Амбасада на Република Северна Македонија, Канцеларијата за конзуларни, економски и трговски работи во Солун на ниво на Генерален конзулат, а истовремено, Канцеларијата за врски во Скопје се подига на ниво на Амбасада на Хеленската Република, Канцеларијата за конзуларни, економски и трговски работи во Битола на ниво на Генерален конзулат.

Заменик претседателот на Владата задолжен за европски прашања, Бујар Османи, заедно со министерот за надворешни работи, Никола Димитров, во рамките на работната посета на Република Италија, остварија средба со министерот за надворешни работи, Енцо Моаверо Миланези, како и со Претседателот на Комитетот за односи со земјите од Западен Балкан во италијанскиот Сенат, Лучано Далфонсо.

Денес, државниот секретар во Министерството за надворешни работи, Виктор Димовски, оствари средба со известителите на Парламентарното Собрание на Советот на Европа, Лиза Кристоферсон и Валериу Гилечи, кои престојуваат во дводневна работна посета на Република Северна Македонија.

На 29 и 30 мај 2019., во Министерството за надворешни работи, се одржа дводневна работилница „Симулација на меѓународна конференција“ на француски јазик, наменета за државни службеници.

На покана на британската академија на науките „Royal Society” од Лондон и германската национална академија на науките Леополдина, заменик министерот за надворешни работи, Андреј Жерновски, беше главен говорник на „5-тата Заедничка научна конференција - Западно балканските процеси”, која денес и утре се одржува во Лондон.

 

Денеска во Братислава, министерот за надворешни работи Никола Димитров учествуваше на Министерски состанок на земјите од Вишеградската група и земјите од Западен Балкан.  

 

Утре (среда, 29 мај 2019 год), во Министерството за надворешни работи, ќе започне дводневна работилница – Симулација на меѓународна конференција на француски јазик, наменета за државни службеници.

МНР Никола Димитров, денес, имаше средба со Иво Вајгл, член на Европскиот парламент и специјален известител на Парламентот одговорен за Република Северна Македонија, кој престојува во работна посета на Скопје.

 

Конзуларни услуги