Соопштенија

Соопштенија до јавноста

На покана на министерот за надворешни работи и европски прашања на Словачка, Мирослав Лајчак, министерот за надворешни работи Никола Димитров, утре (28 мај 2019 година) во Братислава ќе учествува на Министерскиот состанок на земјите од Вишеградската група и земјите од Западен Балкан.

 

На 22 мај 2019 година, во посета на Република Северна Македонија престојуваше државниот секретар во Министерството за надворешни работи на Република Чешка, Милослав Сташек, кој оствари средба со својот домаќин, државниот секретар во МНР Виктор Димовски.

 

На покана на министерот за надворешни работи на Романија, Теодор Мелешкану, министерот за надворешни работи, Никола Димитров, на 21 и 22 мај 2019 г. престојува во официјална посета на Романија.

 

Почитуван Теодор, министер Мелешкану,

Многу ви благодарам за љубезната поканата да дојдам во официјална посета на Романија и ова е мојата прва посета, како што рековте и вие. Привилегија е што сум тука во критично време за нас. Ќе бидам краток, во суштина ќе ја известам романската јавност за што се залага Северна Македонија, а потоа ќе зборувам накратко и за билатералните односи.

Министерот за надворешни работи Никола Димитров, денес во проштална средба го прими амбасадорот на Република Финска за Република Северна Македонија, со седиште во Белград, Перти Иконен.

 

Работната посета на Министерот за надворешни работи Никола Димитров, на Талин, Естонија, продолжи со учество на годишната Конференција Ленарт Мери, насловена “Едно минато, многу иднини.”

 

Четвртиот состанок на Заедничкиот интердисциплинарен комитет за историски, археолошки и образовни прашања, формиран согласно членот 8 став 5 од Конечната спогодба, потпишан меѓу Република Северна Македонија и Грција на 17 јуни 2018 година во Преспа, беше одржан во Охрид на 17. и 18 мај 2019 година.

Во рамки на денешните активности од работната посета на Талин, министерот Димитров беше примен од премиерот на Естонија, Јури Ратас, оствари средба со естонскиот колега, Урмас Реинсалу и се обрати пред Комитетот за надворешни работи во естонскиот Парламент.

 

На Министерската сесија на Комитетот на министри на Советот на Европа, која се одржува денес во Хелсинки, Финска, учествува делегација на Република Северна Македонија, предводена од заменикот министер за надворешни работи, Андреј Жерновски. Годинешната министерска сесија е во знакот на 70 годишнината од Договорот од Лондон, со кој се основа Советот на Европа, дом на сите европски нации собрани околу вредностите на човековите права, демократијата и владеењето на правото. Истовремено, шефовите на европските дипломатии дискутираат и за актуелните политички предизвици со кои се соочуваат европските демократии, но и самата Организација.

Mинистерот за надворешни работи Никола Димитров заедно со Неговото Височество, принцот Едвард грофот од Весекс, присуствуваше на настан во Националната филхармонија во Скопје, организиран во рамки на кралската посета на Неговото Височество на Северна Македонија. 

Конзуларни услуги