Соопштенија

Соопштенија до јавноста

По исполнување на сите правни услови за влегување во сила на Конечната Спогодба и Уставните амандмани, Владата на Република Македонија, ќе го објави во Службен весник датумот на влегување во сила на Уставните амандмани и Уставниот закон.

 

На покана на Генералниот секретар на НАТО, Јенс Столтенберг,  министерот за надворешни работи на Република Македонија, Никола Димитров денес учествуваше на состанокот на Северно-атлантскиот совет по повод потпишувањето на Пристапниот протокол за членство на Република Македонија во НАТО, што се одржа во седиштето на НАТО во Брисел.

Заменик министерот за надворешни работи на Република Македонија, Андреј Жерновски,  оствари средба со Генералниот Секретар на Централно Европската Иницијатива, сенаторот Роберто Антоњоне, во придружба на неговите соработници од Секретаријат на ЦЕИ во Трст. На средбата, заменикот Жерновски му упати честитки и му посака успешна работа на оваа негова нова функција, Генерален Секретар на ЦЕИ. ЗМНР Жерновски истакна дека оваа година е јубилеј од 30 години постоење на Централно-европската иницијатива (ЦЕИ) и претставува прв  и најстар регионален форум. Од самиот свој почеток, ЦЕИ се залага и промовира процеси на европска интеграција и придонесува за севкупниот напредок на своите членки.

Во рамки на работната посета на Вашингтон, министерот за надворешни работи Никола Димитров, вчера, во Стејт Департментот имаше средба со помошникот државен секретар за Европа, Вес Мичел. Министерот Димитров го запозна со актуелностите врзани со имплементацијата на Преспанскиот договор, како и претстојните активности околу ратификацијата на Пристапниот протокол за членство на Република Македонија во НАТО. Притоа, МНР Димитров го изрази очекувањето дека набргу ќе следи и ратификација на протоколот во Сенатот на САД. Помошникот државен секретар Мичел оцени дека склучувањето на Преспанскиот договор и неговото извесно стапување во сила, проследено со  зачленувањето на Република Македонија во НАТО, се историски мигови на исклучителни постигнувања, со кои нашата земја треба да се гордее. Посебно го нагласи очекувањето дека овие постигнувања ќе имаат позитивно влијание врз стабилноста и просперитетот на целиот регион.

На покана на Високиот претставник на ЕУ за надворешни работи и безбедносна политика, Федерика Могерини и министерот за надворешни работи на Романија, Теодор Мелешкану, во својство на земја претседавач со Советот на ЕУ, министерот за надворешни работи на Република Македонија, Никола Димитров, учествуваше на неформалниот состанок на министрите за надворешни работи на земјите-членки на Европската унија и земјите-кандидати, што вчера и денеска се одржа во Букурешт.

Вчера, заменикот министер за надворешни работи, Андреј Жерновски, присуствуваше на свеченост организирана од страна на швајцарската амбасадорка Сибил Зутер, по повод 25 години од воспоставувањето дипломатски односи помеѓу Република Македонија и Швајцарија.

 

Заменик-претседателката во Владата на РМ и министерка за одбрана, Радмила Шекеринска, заменик-претседателот во Владата на РМ задолжен за европски прашања, Бујар Османи, заменик-претседателот во Владата и министер за внатрешни работи, Оливер Спасовски и министерот за надворешни работи, Никола Димитров, денеска одржаа прес-конференција, веднаш откако на денешната седница на Владата помина точката Информација за извршување на Договорот од Преспа.

Министерот за надворешни работи на Република Македонија, Никола Димитров и амбасадорката на Сојузна Република Австрија во Република Македонија Ренате Коблер, вечерва беа домаќини на комеморативна церемонија по повод 27 јануари – Меѓународниот ден на сеќавање на Холокаустот.

 

Денес, министерот за надворешни работи Никола Димитров оствари средба со Кристијан Даниелсон, директор на Директоратот за проширување во Европската комисија. На средбата се разговараше за европските перспективи на Република Македонија и очекувањата за напредок во претстојниот период.

 

Денес, Генералниот секретар на НАТО, Јенс Столтенберг, испрати возвратно писмо до министерот за надворешни работи на Република Македонија,  Никола Димитров, со кое го потврдува приемот на упатеното писмо од страна на министерот Димитров од 21 јануари 2019 год., во кое од наша страна е изразена подготвеноста и способноста на земјата да ги прифати и почитува обврските и заложбите за членство на Република Македонија во НАТО, содржани во Вашингтонскиот договор и Студијата за проширување на НАТО од 1995 година, формално изразувајќи интерес за добивање покана за пристапување кон НАТО.

Конзуларни услуги