Соопштенија

Соопштенија до јавноста

Државниот секретар во МНР на Република Северна Македонија, Виктор Димовски, учествуваше на 106-та сесија на Постојаниот Совет на меѓународната организација на Франкофонијата која се одржа на 26 март 2019 година во Париз.

 

За време на еднодневната работна посета на покана на Универзитетот во Грац, вчера министерот Димитров одржа предавање отворено за јавност, на тема „До Европа преку Преспа: Европската интеграција на Северна Македонија.“ Во таа прилика, МНР Димитров истакна: „Преспа отстрани пречка во нашите односи со Грција, но истовремено изгради и мост кон ЕУ интеграцијата на нашата земја. Со Преспанскиот Договор постигнавме нешто што Шуман, еден од идејните татковци на Европската унија би го опишал како “де факто солидарност преку конкретни дела”. Дополнително, Министерот Димитров зборуваше и за реформските чекори кои активно се преземаат на патот кон ЕУ интеграцијата.

Земајќи ги предвид обврските за примена на одредбите од Преспанскиот договор, Делегациите на Република Северна Македонија и на Грција во Заедничкиот Комитет имаа суштинска дебата и усвоија интензивен работен план за постигнувањето на заеднички прифатените решенија, врз основа на принципите и целите на УНЕСКО и Советот на Европа за оваа материја.

По повод апостолската посета на Светиот Отец, Папата Франциск во Република Северна Македонија, денеска во галеријата на НУ „Спомен-куќа на Св. Мајка Тереза“ во Скопје, се одржа прес-конференција на која државниот секретар во Министерството за надворешни работи, Виктор Димовски и Монс. Киро Стојанов, скопски бискуп и струмичко-скопски епарх, информираа за програмата на претстојната посета.

Министерот за надворешни работи Никола Димитров, денес оствари работна средба со ополномоштеникот на Сојузното министерството за надворешни работи на Германија за Југоисточна Европа, Турција и за ЕФТА-државите, Кристиан Хелбах и со ополномоштеникот за ЕУ политики,  Томас Осовски, кои престојуваат во работна посета на Република Северна Македонија.

Петнаесеттиот состанок на Советот за стабилизација и асоцијација помеѓу Република Северна Македонија и Европската унија се одржа на 19 март 2019 година.

 

Државниот секретар во Министерството за надворешни работи на Република Северна Македонија, Виктор Димовски на 18 и на 19 март 2019 година престојуваше во работна посета на Република Србија.

 

На првиот ден од работната посета на Брисел, МНР Никола Димитров оствари средба и со МНР на Кралството Шведска, Маргот Валстром.

 

Министерот за надворешни работи, Никола Димитров и заменик претседателот на Владата задолжен за европски прашања, Бујар Османи, во рамки на посетата во Брисел учествуваа на работен појадок со министрите за надворешни работи на земјите членки на Европската унија, во организација на Грција и Романија.

 

На покана на поранешниот  министер за надворешни работи на Република Грција, Никос Коѕијас, денес, министерот за надворешни работи, Никола Димитров, учествуваше на меѓународната академска конференција по повод одбележување на дваесет годишнина од основањето на одделот за меѓународни и европски студии на Универзитетот во Пиреас. На конференцијата насловена „Грчката надворешна политика во 21 век“, МНР Димитров имаше свое обраќање на панелот тематски посветен на „Трансформацијата во Југоисточниот Медитеран“.

Конзуларни услуги