Министерство за надворешни работи

Наша заложба е да ги промовираме и застапуваме нашите интереси на меѓународен план. Евро-атлантската и европската интеграција се главни приоритети во нашето работење, воедно залагајќи се за безбеден, стабилен и просперитетен регион, како и развивање на поширока билатерална и мултилатерална соработка. Претставуваме сервис на граѓаните, обезбедувајќи конзуларни услуги за нашите државјани во странство.

Најнови вести

Средба Османи – Шаленберг во Виена

Министерот за надворешни работи, Бујар Oсмани, денес, во Виена, оствари средба со Сојузниот министер за европски и меѓународни прашања, Александар Шаленберг.

Во фокусот на разговорите беа актуелните случувања во ОБСЕ регионот, впечатоците од одржаниот Министерски совет на ОБСЕ во Полска, како и приоритетите на претседавањето со Организацијата од страна на Северна Македонија. Централна тема беа предизвиците на руската агресија врз Украина, но и нестабилноста во целиот ОБСЕ регион, другите конфликти и идната улога на Организацијата.

Двајцата министри се осврнаа и на актуелните предизвици околу миграциите со кои е соочен европскиот континент, при што беше потенцирана улогата на Северна Македонија која успешно се справува со мигрантските текови кои се дел од т.н. Балканска рута на движење.

„Потпишувањето на Договорот помеѓу Европската Унија и Република Северна Македонија за оперативни активности спроведени од Агенцијата на ЕУ Фронтекс, со кој се воспоставуваат одржливи и трајни решенија во справување со илегалната миграција и прекуграничниот криминал претставува суштинска додадена вредност во справувањето со мигрантската криза. Како и порано, ние остануваме партнери и на Европската Унија, но и посебно на земјите од нашето пошироко регионална опкружување со цел справување со било каква можна ескалација на овие состојби“ истакна Османи.

Министерот Османи се заблагодари за учеството на австриски полициски службеници во рамки на заедничката меѓународна операција за заштита на нашата јужна граница, поддржана од Европската Комисија, како значителен придонес во зајакнување на капацитетите на нашата гранична полиција во борбата против илегалната миграција и криумчарењето мигранти.

Соговорниците се осврнаа и на продлабочувањето на развиената економска соработка меѓу двете држави, политичко-економските последици, предизвикани од руската воена агресија врз Украина и други актуелни меѓународни прашања.

Османи на завршниот настан по повод 30-годишнината од Мисијата на ОБСЕ во Скопје

Министерот за надворешни работи, Бујар Османи учествуваше на завршниот настан по повод 30-годишнината од постоењето на Мисијата на ОБСЕ во Скопје.

На настанот, во присуство на голем број претставници на дипломатскиот кор и високи владини претставници, Минисрот Османи во своето обраќање истакна дека задоволство е што овој собир се реализира непосредно пред преземање на позицијата претседавач со Организацијата. "Тоа значи дека направивме добри работи во изминатиот период.  Само за неколку недели ќе бидеме во позиција да оставиме белег на агендата на ОБСЕ, како претседавач со ОБСЕ во 2023 година" рече Османи.

Воедно, министерот напомена дека за време на овие 30 години присуство, мисијата беше од големо значење: за спречување на прелевање на конфликтот, спроведување на Охридскиот рамковен договор, градење социјална кохезија и зајакнување на демократските институции и владеење на правото, како и придонесе за подобрување на севкупните  услови во нашето општество во целина.

"Фактот дека ќе бидеме на чело на Организацијата – барем една година – не ја намалува мојата скромност и благодарноста кон најстарата мисија на ОБСЕ, со која јас и мојата генерација буквално пораснавме" истакна Османи.

 Скопје, 7.12.2022 г.

Средба Исаки- Филипиду

Заменик министерот за надворешни работи на Република Северна Македонија, Фатмире Исаки, денес, оствари средба со новоименуваниот вонреден и ополномоштен амбасадор на Грција во Република Северна Македонија, Н.Е. г-ѓа Софија Филипиду.

Заменик министерот Исаки изрази благодарност за цврстата поддршка на Грција за евроинтегративниот пат на Северна Македонија, која оваа година ги започна преговорите за членство во Европската Унија, како и за подготвеноста на Грција да го сподели искуството со нашата земја на овој план.

На средбата беше изразено заемно задоволство од позитивниот развоен тренд во билатералните односи и конструктивниот политички дијалог меѓу двете земји по потпишувањето на Преспанскиот договор, кој отвори една нова страница во билатералните односи и создаде позитивна клима за плодна соработка во сите сфери од заемен интерес. Во таа насока, соговорниците разменија мислења околу можностите за натамошно унапредување и продлабочување на соработката меѓу двете земји на билатерален, регионален и мултилатерален план.

На амбасадорката Филипиду, заменик министерот Исаки ѝ посака успешно извршување на новата дипломатска мисија во Северна Македонија и ја нагласи подготвеноста и отвореноста на Министерството за надворешни работи на Република Северна Македонија за соработката и заеднички ангажман со цел постигнување многу позитивни резултати на билатерален план.  

 

Министер за надворешни работи на Република Северна Македонија:

Бујар Османи

Совети при патување во странство

Советите за патувања се извор на информации за граѓаните кои патуваат во други земји. Овие совети ќе ви помогнат да донесете информирани одлуки во врска со вашата безбедност додека престојувате во странство.

Прочитај повеќе
Посети ја Северна Македонија

Прочитај повеќе