Министерство за надворешни работи

Наша заложба е да ги промовираме и застапуваме нашите интереси на меѓународен план. Евро-атлантската и европската интеграција се главни приоритети во нашето работење, воедно залагајќи се за безбеден, стабилен и просперитетен регион, како и развивање на поширока билатерална и мултилатерална соработка. Претставуваме сервис на граѓаните, обезбедувајќи конзуларни услуги за нашите државјани во странство.

+389 75 273 732

[email protected]

Најнови вести

Во пресрет на Денот на Европа, младите со порака до ЕУ: Вам ви е редот!

Во пресрет на 9 мај, Денот на Европа, министерството за надворешни работи денес организираше платформа на која им беше дадено на младите од земјава да испратат пораки до Европа поврзани со европските интеграции на Република Северна Македонија. Во своите обраќања, младите на сопствен начин го потенцираа незадоволството од предолгото стоење во чекалната на ЕУ, упатувајќи емотивни пораки за нивните европски амбиции: „Не дозволувајте уште една генерација млади луѓе да не го доживее европскиот сон во својата држава. Ние, младите, на овој или оној начин ќе станеме дел од Европската Унија, но дозволете ни тоа да биде во нашата држава/дома. На нас младите, растени со европската идеја и вредности, ни е доста од декларативна поддршка и охрабрување. Потребно е да видиме акција и реални одлуки! Дел од политичарите ќе речат дека иднината е на младите, но иднината започнува во сегашноста. А во сегашноста храбри одлуки, какви што впрочем ние покажавме дека имаме моќ да ги носиме. Сега е ред на вас!“ – посочија младите. Во рамките на одржување на настанот, изјава за медиуми имаше и Министерот за надворешни работи, Бујар Османи, кој најави дека оваа платформа со која младите добиваат шанса да го кренат својот глас ќе ја пренесе и во останатите места и градови. „Како што гледате, говорницата на Министерството за надворешни работи денес ја оставив зад мене; и тоа не само симболично, туку и суштински оваа говорница денес им ја оставам на младите. Денес им го оставам микрофонот ним, на младите од земјата, затоа што забораваме да го слушнеме нивниот глас; да го слушнеме нивниот искрен израз за она кое ние политичарите премногу долго го повторуваме. Да го дигнат гласот за реформи, за правната држава, за борбата против корупцијата, да го дигнат гласот за сопствената иднина“, истакна Османи, кој им се придружи на младите во кампањата со паролата „its yEUr turnили Вие, ЕУ сте на ред.

 

Османи се обрати на настан со „тинк-тенк“ организациите од Западен Балкан и Вишеградската група

Министерот за надворешни работи, Бујар Османи, имаше воведно обраќање на состанокот на проектните партнери и претставниците од министерствата за надворешни работи на земјите на Западен Балкан и Вишеградската група во рамките на проектот, „Тинк Балкан“ (Think Balkan). Во своето обраќање, Османи се осврна на првите резултати од работата на инструментот преку кој „тинк-тенк“ организациите ја насочуваат својата експертиза кон прашања и теми од заеднички интерес за Регионот, а со тоа даваат дополнителен импулс во регионалната соработка. Блиската соработка со министерствата за надворешни работи од Регионот дополнително дава значење во градењето на политичкиот дискурс и целно фокусирање кон најактуелните  прашања за европската перспектива на овие земји. Целиот регион  споделува иста стратешка цел, да се стане интегрален дел на ЕУ и затоа овој механизам е исклучителна можност да добиеме експертиза кој ќе ни помогне во реализација на нашите заеднички цели. Овој инструмент започна со својата работа пред шест месеци, а финансиски е поддржан од Меѓународниот Вишеградски Фонд и е моделиран по примерот на платформата „В4 тинк-тенк“. Министерството за надворешни работи е партнер во овој проект кој има за цел да ја зајакне соработката и да го подобри дијалогот меѓу „тинк-тенковите“ од Вишеградската група и Западен Балкан со министерствата за надворешни работи за прашања од заеднички стратешки интерес.  

Османи се сретна со Амбасадорите на земјите членки на ЕУ од форматот Ц5 – Австрија, Словенија, Чешка, Словачка и Унгарија

Министерот за надворешни работи, Бујар Османи, оствари работна средба со амбасадорите на земјите членки на ЕУ од неформалната група Ц5 на Централно европските држави во кој влегуваат:на Австрија,Георг Вуцас, на Словенија, Милан Предан, на Чешка, Мирослав Томан, на Словачка, Хенрик Маркуш и на Унгарија, Ласло Дукс; овие амбасадори ги преставуваат земјите членки на ЕУ од неформалната група Ц5 - Централно европските држави. Предмет на разговор беа тековните теми со ЕУ предзнак, претстојните ЕУ Совети на министрите за надворешни работи и за европски прашања на кои ќе се отвори стратешка дискусија за европската перспектива на земјите од Западен Балкан и кои ќе послужат како подготовка за состаноците во јуни. Исто така, се отвори темата и за процесот на имунизација како и чекорите кои ќе обезбедат можност за послободно прекугранично патување, особено за време на летните месеци. Заеднички беше констатирано дека регионалните формати на поблиска соработка, како помеѓу земјите членки на ЕУ, така и во регионот на Западен Балкан, нудат поволна можност за продлабочена координација особено со справување со заеднички предизвици како што е моменталната пандемија. Земјите од Централна Европа се наоѓаат во непосредно соседство на Западниот Балкан и се блиску поврзани, особено од економски аспект. Оттаму потребно е да се разговара за креирање на заеднички мерки и механизми подржани од ЕУ кои ќе го олеснат справувањето со предизвиците со кои се соочуваме. Последен таков пример на координирана соработка е ЕУ механизмот за вонредна набавка на вакцини потпомогнат од страна на Австрија, преку кој земјите од регионот од оваа недела започнаа да ги добиваат обезбедените 651.000 дози вакцини од кои 119.000 за нашата земја.

Министер за надворешни работи на Република Северна Македонија:

Бујар Османи

Совети при патување во странство

Советите за патувања се извор на информации за граѓаните кои патуваат во други земји. Овие совети ќе ви помогнат да донесете информирани одлуки во врска со вашата безбедност додека престојувате во странство.

Прочитај повеќе
Посети ја Северна Македонија

Прочитај повеќе