Државниот секретар во Министерството за надворешни работи и надворешна трговија, д-р Јовица Палашевски оствари средба со заменик шефот на Делегацијата на ЕУ во Скопје, Бен Напнау.
На средбата се разменија информации за европската перспектива на земјата, Реформската агенда и актуелните предизвици во пристапниот процес кон Европската Унија. Соговорниците разговараа и за последните дискусии поврзани со процесот на проширување на ЕУ и очекувањата од најавената комуникација на ЕУ за внатрешните реформи на ЕУ и иднината на проширувањето.
