Одбележани 20 години од отворањето на Амбасадата на Шведска во Република Северна Македонија
Денеска во Министерството за надворешни работи и надворешна трговија, во присуство на амбасадорот на Кралството Шведска, Ола Сулстром, беше одбележан значаен јубилеј – 20 години од отворањето на Амбасадата на Шведска во Република Северна Македонија.
Министерот за надворешни работи и надворешна трговија, Тимчо Муцунски, во своето обраќање истакна дека Амбасадата на Шведска претставува вистински мост меѓу двете држави – во политиката, културата, трговијата и, пред сè, меѓу нашите народи. Тој мост, како што нагласи министерот, ја направи врската меѓу Северна Македонија и Шведска посилна и подинамична од кога било.
Министерот Муцунски упати искрена благодарност до амбасадорот и тимот на Амбасадата за нивната посветеност и поддршка во изминатите две децении, изразувајќи уверување дека пријателството и билатералните односи меѓу двете земји ќе продолжат да се развиваат и унапредуваат и во годините што следат.
