Министерот за надворешни работи и надворешна трговија, Тимчо Муцунски, денеска оствари средба со амбасадорот на Кралството Шведска, Ола Солстром.
На средбата беше потврдено задоволството од континуираниот развој на билатералните односи и беше изразено очекување дека претстојната билатерална агенда ќе придонесе за нивно натамошно унапредување.
Соговорниците ја истакнаа важноста од понатамошно јакнење на економската соработка и трговската размена, надоврзувајќи се на успешното присуство на шведски компании во државата.
Министерот Муцунски се заблагодари за континуираната шведска поддршка на европската интеграција и ја потврди посветеноста на Владата на реформите и европскиот пат.
На средбата беа разменети мислења и за актуелните регионални и глобални политички и безбедносни прашања.