Заменик министерот за надворешни работи и надворешна трговија Зоран Димитровски, ги прими копиите од акредитивните писма на новоименуваниот вонреден и ополномоштен амбасадор на Обединетите Арапски Емирати, во Република Северна Македонија, со седиште во Рим, Н.Е. Абдула Али Атек Обаид Алсубуси.
Посакувајќи му успешна дипломатска мисија на амбасадорот Алсубуси, заменик министерот Димитровски изрази уверување дека конструктивните и пријателски односи помеѓу двете земји, ќе бидат дополнително унапредени за време на неговиот мандат.
На средбата стана збор и за неодамнешната официјална посета на владината делегација предводена од премиерот Христијан Мицкоски на Емиратите, која освен политичка, имаше и значајна економска димензија, при што беше нагласена и потребата за натамошно динамизирање на билатералната соработка на економски, трговски и инвестициски план.
Воедно, беа разменети и мислења за актуелните случувања на регионален и меѓународен план.
