Во рамки на континуираниот дијалог со стопанството и коморите, и со цел креирање конкретни и применливи предлози за поддршка на извозот, министерот за надворешни работи и надворешна трговија, Тимчо Муцунски, денеска оствари одвоени работни средби со раководствата на Стопанската комора за информатички и комуникациски технологии – МАСИТ и на Американската стопанска комора во Северна Македонија – АмЧам.
На средбите се разговараше за унапредување на меѓуинституционалната соработка, организација на тематски трговски посети, обезбедување логистичка поддршка за бизнисите, како и за поактивна економска дипломатија преку дипломатско-конзуларните претставништва.
Посебен акцент беше ставен и на конкретни иницијативи предложени од коморите, кои можат дополнително да придонесат кон поддршка на извозните активности.
