Министерот за надворешни работи и надворешна трговија, Тимчо Муцунски, денеска оствари проштална средба со амбасадорот на Обединетото Кралство во заминување, Метју Лосон.
Министерот Муцунски му се заблагодари на амбасадорот Лосон за досегашната соработка и за неговиот личен ангажман во унапредувањето на билатералните односи, изразувајќи уверување дека тие и во иднина ќе продолжат да се развиваат на високо ниво.
На средбата беше истакнато дека во периодот на мандатот на амбасадорот Лосон беа направени значајни исчекори во политичката и економската соработка, вклучително и со потпишувањето на Договорот за стратешко партнерство меѓу двете земји. Воедно, беше нагласена и одличната соработка меѓу Амбасадата и институциите во земјава.
Соговорниците ја потврдија заедничката подготвеност за натамошно унапредување на билатералните односи и продлабочување на партнерството меѓу двете земји.