Министерот за надворешни работи и надворешна трговија, Тимчо Муцунски, денеска го прими шефот на Мисијата на ОБСЕ во Скопје, амбасадорот Килиан Вал, на проштална средба.
Во оваа прилика, министерот Муцунски изрази благодарност за посветениот ангажман и континуираниот придонес на амбасадорот Вал, како и за континуираната поддршка и партнерската соработка со Мисијата на ОБСЕ.
Беше истакната значајната улога на Мисијата на ОБСЕ и важноста од продолжување на блиската и конструктивна соработка, при што беше изразено задоволство од досегашната заедничка посветеност на унапредувањето на демократските процеси, стабилноста и инклузивниот развој на општеството.
На крајот, министерот Муцунски му врачи плакета на амбасадорот Вал, му се заблагодари за отворениот и партнерски пристап во текот на неговиот мандат и му посака успех во понатамошниот професионален ангажман.
