Министерот за надворешни работи и надворешна трговија, Тимчо Муцунски, денеска оствари средба со амбасадорот на Република Австрија, Мартин Памер.
На средбата беа потврдени одличните билатерални односи и соработката меѓу двете земји, при што беше изразена заемна подготвеност за нивно натамошно продлабочување.
Разговорите беа посветени и на активностите што двете земји ќе ги реализираат во текот на годината, со посебен фокус на јакнење на економската соработка и интензивирање на политичкиот дијалог.
Соговорниците се осврнаа и на актуелните регионални и глобални прашања од заемен интерес.
