Заменик министерот за надворешни работи и надворешна трговија, Зоран Димитровски, денеска оствари работна средба со Данило Рици, регионален претставник за Југоисточна Европа на Канцеларија на Обединетите нации за дрога и криминал.
На средбата беше разговарано за заедничките предизвици со кои се соочуваме во борбата против транснационалниот организиран криминал, како и за можностите за натамошно унапредување на соработката во справувањето со трговијата со дрога, корупцијата и сродните криминални дејства, како и со комплексните предизвици што ги носат новите технологии.
„Со оглед на специфичната географска положба на нашата држава како крстопат во регионот, подложни сме на бројни предизвици во областа на прекуграничниот криминал, што бара продлабочена регионална и поширока мултилатерална соработка, вклучително и со Канцеларијата на Обединетите нации за дрога и криминал“ – нотираше Димитровски, кој воедно истакна позитивни примери на соработка во оваа област.
Размената на мислења и искуства ја потврдија заемната посветеност кон понатамошно зајакнување на соработката, како и нашите заложби за сузбивање на транснационалниот криминал што во денешно време се развива и во нови димензии.
