Државниот секретар во Министерството за надворешни работи и надворешна трговија, д-р Јовица Палашевски, оствари средба со Артур Попко, претседател на Управниот одбор и главен извршен директор на „Budimex S.A.“ – најголемата градежна компанија во Полска и еден од водечките инфраструктурни изведувачи во Централна и Источна Европа.
На средбата беа разгледани инвестициските можности во нашата земја во областите на патната и железничката инфраструктура, енергетиката и обновливите извори, индустриското градежништво, управувањето со отпадот, електромобилноста и развојот на дата-центри.
Соговорниците изразија заемен интерес за продолжување на непосредната комуникација и за подетално разгледување конкретни инвестициски проекти, со крајна цел воспоставување деловно и инвестициско присуство на „Budimex S.A.“ во С. Македонија.
Како следен чекор беше разгледана можноста за организирање посета на експертски тим на „Budimex S.A.“ нашата држава со цел непосредно запознавање со потенцијалните проекти, локации и услови за инвестирање.
