На 19 ноември 2026 година, заменик министерот за надворешни работи и надворешна трговија, Зоран Димитровски, ги прими копиите од акредитивните писма на новоименуваната вонредна и ополномоштена амбасадорка на Република Естонија во Република Северна Македонија, со седиште во Будимпешта, Јана Ванамолдер.
На средбата беше изразено заемно задоволство од традиционално добрите и пријателски односи меѓу двете земји, засновани врз континуиран политички дијалог, соработка во рамките на НАТО и заедничка посветеност на европските вредности.
Соговорниците разменија мислења за актуелните билатерални и регионални прашања и ги разгледаа можностите за натамошно унапредување на соработката во областите од заемен интерес, особено во дигиталната трансформација, сајбер-безбедноста, економијата, образованието и јавната администрација.
Заменик министерот Димитровски ѝ посака успешен мандат на амбасадорката Ванамолдер, изразувајќи уверување дека за време на нејзиниот мандат ќе продолжат да се развиваат пријателските односи и ќе се продлабочува соработката меѓу двете земји.