Institucion që bën reklamë: Ministri i Punëve të Jashtme
Afati i fundit për aplikim: 29/11/2022
Në bazë të nenit 22 paragrafi 1 alineja 6, paragrafi 5, paragrafi 8, paragrafi 11 alineja 9, paragrafi 13 dhe paragrafi 14 të Ligjit për të punësuarit në sektorin publik (“Gazeta Zyrtare e Republikës së Maqedonisë” nr. 27/14,199/14dhe27/16),nenet22,23,24,25,26dhe27të Ligjit të marrëdhënieve të punës (“Gazeta Zyrtare e Republikës së Maqedonisë” nr. 62/2005, 106/2008, 161/2008, 114/2009, 130/2009, 50/2010, 52/2010, 124/2010, 47/2011, 11/2012, 39/2012, 13/2013, 25/2013,170/2013, 187/2013, 113/2014, 20/2015, 33/2015, 72/2015, 129/2015 dhe 27/2016), nenit 13 të Rregullores për sistematizimin e vendeve të punës në Ministrinë e Punëve të Jashtme nr. 01-39424/21-1 datë 21.12.2021, Ministri i Punëve të Jashtme nxjerr
SHPALLJE PUBLIKE numër 01/2022
për plotësimin e vendeve të punës për kohë të caktuar
Ministria e Punëve të Jashtme e Republikës së Maqedonisë së Veriut nxjerr shpallje publike për angazhimin e 1 personi për kohë të caktuar, për këtë vend pune:
- Këshilltar i posaçëm për çështje në lidhje me Bashkimin Evropian dhe NATO-n në Kabinetin e Ministrit– 1 (një) realizues;
II.Kandidati duhet t’i përmbush kushtet vijuese:
· Të ketë të paktën 180 kredi sipas ECTS ose të kenë të kryer shkallën VII/1 – nga shkencat vijuese: shkencat politike, shkencat juridike dhe shkencat organizative dhe administrim (menaxhment);
· Të jetë shtetas të Republikës së Maqedonisë së Veriut;
· Me aktgjykim gjyqësor të plotfuqishëm të mos kenë të shqiptuar dënim për ndalesë të ushtrimit të profesionit, veprimtarisë apo detyrës;
· Në mënyrë aktive ta njoh gjuhën angleze;
· Të ketë të paktën 2 vjet përvojë pune që ka të bëjë me problematikat e BE-së dhe/ose procesin integrues dhe/ose me problematikat e NATO-s.
II. Shuma në para e pagës themelore neto për vendin e punës: 40,005.000 denarë
Bashkë me fletëparaqitjen, kandidatii interesuar detyrimisht duhet ta parashtrojë edhe dokumentacionin e mëposhtëm:
· fletëparaqitje të nënshkruar me dorë të vet për vendin e punës për të cilin paraqiten;
· biografi të shkurtër CV ku detyrimisht të shënohet telefoni për kontakt dhe adresa;
· certifikatë e nënshtetësisë;
· diplomë për kryerje të shkallës së arsimit që kërkohet për vendin e punës;
· dëshmi se nuk i është shqiptuar ndalesë për ushtrimin e profesionit, veprimtarisë apo detyrës;
· dëshmi për njohje të gjuhës angleze;
· dëshmi se kanë përvojë në lidhje me marrëdhëniet ndërkombëtare
Dokumentacioni i nevojshëm në origjinal ose në kopje të verifikuar në noter t’i dorëzohet arkivit të Ministrisë së Punëve të Jashtme ose përmes postës në këtë adresë: Ministria e Punëve të Jashtme, Sektori i Menaxhimit me Burime Njerëzore, Rr. “Filipi i Dytë i Maqedonisë” nr. 7, 1000 Shkup (me shënimin “për shpallje për punësim”).
Afati i dorëzimit të dokumentacionit të nevojshëm është pesë (5) ditë pune llogaritur nga dita e publikimit të shpalljes.
Aplikimi jo në kohë dhe dokumentacioni jo i plotë dhe i pakompletuar, nuk do të shqyrtohet.
Pas kryerjes së përzgjedhjes administrative të kandidatëve të paraqitur për plotësimin e vendit të theksuar të punës, kandidatët e rregullt do të thirren edhe në intervistë, në hapësirat e Ministrisë së Punëve të Jashtme.
Ministria e Punëve të Jashtme, përzgjedhjen do ta bëjë në afatin e përcaktuar në përputhje me nenin 23 paragrafi 2 të Ligjit të marrëdhënieve të punës.
Në përputhje me dispozitat ligjore, këshilltari i posaçëm në Kabinetin e Ministrit të Punëve të Jashtme lidh kontratë punësimi për kohë të caktuar, ndërsa punësimi zgjat deri në përfundimin e mandatit të funksionarit, në kabinetin e të cilit është punësuar.
Të drejtat dhe detyrimet e këshilltarit të posaçëm rregullohen me rregullat e përgjithshme të marrëdhënieve të punës.
Aplikimi dhe shpallja mund të gjenden në ueb faqen e Ministrisë së Punëve të Jashtme.