Shiko të gjitha 
Ministria e
Punëve të Jashtme
Përkushtimi ynë është promovimi dhe përfaqësimi i interesave tona në planin ndërkombëtar. Integrimi euro-atlantik dhe evropian janë prioritetet kryesore të punës sonë, njëkohësisht duke u përkushtuar për një rajon të sigurt, të qëndrueshëm dhe përparimtar, si dhe për zhvillimin e bashkëpunimit më të gjerë bilateral dhe multilateral. Jemi në shërbim të qytetarëve, duke siguruar shërbime konsullore për gjithë shtetasit tanë jashtë vendit.
Lajmet më të reja
Sesioni informativ për Fondin e Ballkanit Perëndimor
Sot, zëvendësministrja e Punëve të Jashtme Fatmire Isaki hapi sesionin informativ për Thirrjen e katërt për financimin e projekteve të Fondit të Ballkanit Perëndimor, ku përfaqësues të Fondit u takuan me palët e interesuara dhe grantmarrësit potencialë ku u ndanë informacione më të detajuar për mwnyrwn e aplikimit pwr financimin e projekteve dhe për krijimin e partneriteteve të projektit.
Takimi filloi me një minutë heshtje në nderim të viktimave të tragjedisë në autostradën “Struma”, afër Sofjes, ku humbën jetën 45 pasagjerë.
Zëvendësministrja Isaki theksoi se përmes kësaj forme të bashkëpunimit të ndërsjellë, Fondi kontribuon në progresin e mëtejshëm që arrin të ruajë interesin e lartë të vepruesve dhe organizatave të ndryshme në Ballkanin Perëndimor dhe të dërgojë një sinjal të mirë për progresin energjetik të bashkëpunimit rajonal dhe marrëdhënieve të fqinjësisë së mirë.
Osmani - Linhart: E rikonfirmuar mbështetja e fuqishme dhe konzistente e Austrisë për integrimin evropian të Maqedonisë së Veriut
Ministri i Punëve të Jashtme, Bujar Osmani, sot ishte nikoqir i Ministrit Federal për Çështje Evropiane dhe Ndërkombëtare të Republikës së Austrisë, Mihael Linhart.
Qëllimi i vizitës ishte riafirmimi i mbështetjes së fuqishme dhe konzistente austriake për integrimet evropiane të vendit tonë dhe në këtë kontekst Ministrat shkëmbyen mendime për perspektivat e dosjes sonë evropiane, si dhe diskutuan për zhvillimet e brendshme politike në Maqedoninë e Veriut.
“Në Republikën e Maqedonisë së Veriut dhe në dosjen tonë evropiane qëndron çelësi i zhbllokimit të gjithë rajonit, sepse sipas radhës zhbllokimi duhet të fillojë nga këtu, përmes fillimit të negociatave për anëtarësim me Maqedoninë e Veriut dhe Shqipërinë. Kjo do t'i inkurajojë edhe vendet e tjera të rajonit që t'i mbyllin çështjet e hapura, me qëllim që i gjithë rajoni të hapërojë në rrugëtimin evropian”, theksoi Osmani.
Vizita e Ministrit Linhart pati edhe një komponentw të fuqishme ekonomike, duke pasur parasysh se ai shoqërohej nga delegacion ekonomik dhe biznesor. Austria është një nga investitorët më të mëdhenj në vend, ndërsa afërsia gjeografike, komplementariteti i dy ekonomive, por mbi të gjitha marrëdhëniet e shkëlqyera politike krijojnë potencial për bashkëpunim edhe më intensiv ekonomik. Gjatë vizitës u mbajt edhe një aktivitet biznesor me qëllim të rritjes së mëtejshme të bashkëpunimit tregtar dhe shfrytëzimit të mundësive investuese dhe prezantimit tw programit “Re Focus Austria”, i cili synon t’i promovojë kompanitë austriake në shumë fusha, veçanërisht në fushën e energjisë ripërtrirëse, ekonomisë digjitale dhe infrastrukturës.
Ministrat njëherit diskutuan edhe për presidencën e ardhshme të vendit tonë me OSBE-në në vitin 2023 dhe për mundësitë e bashkëpunimit të ardhshëm në këtë kontekst. Qasja e solidaritetit në përballjen me pandeminë, migracioni ilegal dhe çështje të tjera me karakter ndërkombëtar ishin tema shtesë të diskutimit në takim.
Shkup, 18 nëntor 2021
Rrumbullakimi i vizitës së punës së Osmanit në Bruksel
Në vazhdim të agjendës dyditore intensive të vizitës së punës në Bruksel, Ministri i Punëve të Jashtme, Bujar Osmani, realizoi takim edhe me bashkëkryesuesin e Komisionit të Përbashkët Parlamentar mes BE-MK, Andreas Schieder, si dhe me raportuesin për Maqedoninë e Veriut, Ilhan Kjuçuk.
Temë e pashmangshme e takimeve ishin ngjarjet aktuale të brendshme politike në vend, por në fokus të bisedimeve ishin rrjedhat integruese evropiane në vend dhe tentativat, por edhe mundësitë për të çuar përpara gjithë procesin.
Deputetët theksuan mbështetjen e fuqishme për perspektivën evropiane të Maqedonisë së Veriut, rrjedhën e papenguar të agjendës evropiane të vendit, miratimin e kornizës negociuese dhe organizimin e Konferencës së Parë Ndërqeveritare. Ata theksuan rëndësinë e vazhdimësisë së reformave, nevojën për stabilitet të vendit për të krijuar një atmosferë pozitive për fillimin e negociatave. U theksua se koncepti i një shteti multietnik dhe paqësor, i përkushtuar për gjetjen e zgjidhjeve përmes kompromisit dhe dialogut, njihet si sukses unik dhe i madh për Maqedoninë e Veriut dhe është shembull jo vetëm për rajonin por edhe më gjerë. Duke theksuar aspektin gjeopolitik të rëndësisë së zgjerimit të BE-së në rajon, njëzëri u tha se Ballkani Perëndimor është i rëndësishëm jo vetëm për sigurinë dhe stabilitetin e BE-së, por edhe për progresin e përgjithshëm ekonomik, politik dhe social të kontinentit.
Në takim, nga ana e raportuesit Kjuçuk, ministri Osmani u njoftua me rrjedhën e përgatitjeve të Rezolutës së re për progresin e vendit, dokument ky që tradicionalisht çdo vit përgatitet nga Parlamenti Evropian.
Gjatë ditës, Osmani u takua edhe me Simon Mordeau, këshilltar diplomatik i kryetarit të Këshillit Evropian, Charles Michel, si dhe me përfaqësues të tjerë të lartë të BE-së.
Vizitën e punës në Bruksel, Osmani e përmbylli me intervista me ueb faqen prestigjioze të Brukselit “EU Observer” dhe “Agency Europe”, duke shkëmbyer qëndrime për zhvillimet aktuale të politikës së brendshme dhe të jashtme në Maqedoninë e Veriut.
Bruksel, 16 nëntor 2021
Përfaqësitë Diplomatike dhe Konsullore të Republikës së Maqedonisë së Veriut
Organizatat Ndërkombëtare
Këshilla gjatë udhëtimeve jashtë vendit
Këshillat për udhëtime janë burim i informacionit për qytetarët që udhëtojnë në shtetet tjera. Këto këshilla do t’ju ndihmojnë të sillni vendime të informuara në lidhje me sigurinë tuaj derisa qëndroni jashtë vendit.
Lexo më shumë
